Halle Open: Federer-i takok angu; Nishikori-i masayatettsüsa aküm

Halle, June 15 (Agencies): Switzerland nunger tennis asayar mongin, Roger Federer-i 1 buba round asaya nung takok ngua tang tasayadak Halle Open asayamong nung tanü, Bodbar nü shilem agiogo.
Tan agi Halle Open takok marok 9 buba agizüktsü alizüng ayusang, Federer-i tanü ace 15 tashi yanglua points 6-4 7-6(3) agi Germany nunger Jan-Lennard Struff madak takok angu.
Teberem timtem ajurua 2016 French Open asayamong nung shilem magitetsang, Federer-i taküm 2016 küm tenzüker tanü tashi nung takok marok ka danga monguteti lir.
Tan asayamong nung temaba jenjang abensang, Federer-i Tunisia nunger Malek Jaziri den taruba asaya asayatsü lemzükogo.
Ano külen, tan asayamong nung 2 buba jenjang abensang, Japan nunger Kei Nishikori-i France nunger Lucas Pouille madak 1 buba round asaya takok ngua asayadang tesemret yiruba yong pai Germany nunger Florian Mayer den 2 buba round masayateti tan asayamong nung joko shilem magitetsüsa jenjang tamajung ajuruogo.