HALLELUYAH ; Nenoki Kibuba sangang (T.Ken 146:1).

Halleluya Oji “Nenok Kibuba sangang” ta meyip. Iba O ya Tenüngsang Ken nung metsür pezüben amshiba angutsü aser Jungkai Adokba tapu ter tuku nung pezüben angutsü, meyokteper metsür tiben amshiba angutsü. Tenüngsang Ken nungji alima Halleluyah aser Jungkai Adokba nung amshibaji kotak Halleluyah lir. Ibai tanga o ajanga tanga oshi nung meyipzüktsü makok. Ibai Greek, Latin, German, French, Italian, Dutch aser English ajak nung kasa amshir. Kin ajaki kotaker ken nung Halleluyah amshir.
Yimya Halleluyah : Tenüngsang Ken 104ji iba o yagi atenba angutsü. Iba ken yimya tebur ajungba sangro ka lir. Ibai temoatsüba Tsüngrem dangi tanela ajaba agi tenzük aser Tsüngrem uluba, Pa tamaren indang yimya bushiba nung yimsü mulungjang atenba shisatsü nung jembir. Tesangwaji Tsüngrem sobutsü. Pai süki ama anüngtem atsülanga toktsür aser tzüyim kimongji Pai yanglu. Mepettemi Pa talungtsü aser mopung tashikang nung amener. Tsüngmokji pa ola. Pai ayongnutemji yanglu koba agi ozü aser arem shiruru nem tzü agütsür. Remji nashi telok asoshi, süngdongtemji ozütem tesep yanglutsü asoshi, tenemtemji arem napongtem asoshi, lungtemji shisen jenokdak asoshi Pai yanglu. Item yagi Pa temeim aser shisatsü indang sayur. Pai ita aser anü asoshi ozüng yanglu. Anü adoker aser anü tesangwa nisungtem pei mapai aor aser nikongtsütsü tashi mapa inyaker. Ammangi anisüngzük agütsür.
Idangji ken züluri tzüyim dangi meyip kong oset jenti lir aser tzüma nung rongtem senzür aser telung nung shiruru tulu asayar. Tsüngremi itemji taküm lidaktsür . Yimya bushiba jagi ken zülur mulung Tsüngrem tenüng asangba agi sünga kümdaktsü. Pai ashi, “Pa asoshi kü teshisadangba tanang asütsü. Ni Kibuba nung pelatsü.” Kaket anaji memesüktepi mali. Tsüngremi aji asenok asoshi zülu, yimya kaket aser Jungkai Adokba kaket. Anaprongla nung Tsüngremi Pa sasa jungkai adok.
Yimyaren alir shirnoki Tsüngrem mapa nung Pa mangur parnoki parnok sasa tenük poker alir aser angutsü nungtemer. Tsüngrem dak mamangertem parnok sasa nükpok shimertem lir. Alima nung, tzüyim nung aser anüng nung kechisarena agi Tsüngrem jungkai adoktsür.

You must be logged in to post a comment Login