HAM (S)-i assembly menden 7 atema candidates sangdongogo

Patna, September 20 (Agencies): BJP-i aniba NDA teloktep party nung dena aliba Hindustani Awam Morcha (Secular)-i tanü Bihar assembly menden tenet atema candidate tem tenüng sangdongogo, aser parnok rongnung tetsür pezü densema lir.
Tanü Patna nung osangbenertem senden ka nung taoba state Chief Minister aser HAM (S) Tir Jitan Ram Manjhi-i par candidate tarensen tanabuba sangdongogo. Par party ticket angur rongnung tetsür pezüji- Manju Devi (Singheshwar menden), Nutan Paswan (Masaurhi), Jeba Khatun (Jokihat) aser Lovely Anand (Sheohar) nunger lir.
Tanüngba menden asem nung Naresh Sah-i Sheikhpura menden nungi tokteptsü, Sharim Ali-i Belaganj nungi aser Mukesh Kumar (Krishan Yadav)-i Sherghati menden nungi tokteptsü, ta Manjhi-i ashi.
Anogo ana tejaklen Manjhi-i party candidate 13 tenüngbo sangdongogo, aser item rongnung pa Makhdumpur menden nungi tokteptsü aser par jabaso Santosh Kumar Suman Kutumba menden nungi tokteptsü.
BJP-i aniba NDA teloktep nung adenba party tem menden alemba mapang BJP-i Manjhi’er party, HAM nem Assembly menden 20 lemzüktsüogo.
Bihar nung assembly menden 243 lir.
NDA teloktep nung BJP-i menden 160 nungi tokteptsü, Ram Vilas Paswan’er LJP-i menden 40 nung tokteptsü, Upendra Kushwaha’er RLSP-i menden 23 nung aser HAM (S)-i menden 20 nung tokteptsü.
State assembly election agitsü anogotemji October 12, 16, 28, November 1 aser 5 nü lir. November 8 nü vote azüngtsü.

You must be logged in to post a comment Login