Hamburg ATP: Nadal 2 buba round-i iogo

July 29 (Agencies) : Spain nunger tennis asayar mongin, Rafael Nadal-i taoba mapang agizükba ama takok marok agizüker asayar tongti akümtsü nükjidong tulu bener tang tasayadak Hamburg ATP asayamong nung shilem agitsü tenzüka lir.
Arishi küm 29 tain Nadal-i points 3-6, 6-1, 6-1 ngua külem sensopur, Fernando Verdasco madak 1 buba asaya koka Hamburg ATP asayamong 2 buba round asayatsü jenjang yashi, Mongolbar nü nguogo.
Taoba tebur World No. 1 aser tang ATP asayar taresen nung 10 buba jenjang nung alisang, Nadal-i yashi asaya indang mezüngbuba set kanga timtema akokba sülen tanabuba aser tasembuba set na ayong ayonga koka yashi takok angu.
Taoba mapang, 2008 küm Hamburg takok marok agizükba sülen tan mezüngsüa shilem agisang, Nadal-i Jiri Vesely mesüra Andreas Haider-Maurer na rong nung ka den 2 buba round nung ajuruteptsü.