Hamilton-i Canadian Grand Prix takok marok agizükogo

Montreal, June 08(Agencies): Defending world champion, Lewis Hamilton-i Külem Mercedes gari anishir,Nico Rosberg den tekaraba mapang nung alizüng tongteta Canadian Grand Prix takok marok yashi Deobar nü agizükogo.
Britain nunger Hamilton-i tan takok anguba sülen points 17 agi Rosberg den temaba jenjang nguteta drivers world championship nung shilem agitsüpur rong nung temaba jenjang nguteter lir.
Taoba mapang nung world champion anaben tashi akümtsü jenjang angusang, Hamilton-i tan agipole position 44 benbubanguteta laps 70 tashi toktepa gari anishiba sülen arishi küm 29 tain Rosberg den second 2.2 agi tekaraba mapang nung alizüng tongtet.
Tan takok anguba ya Hamilton-i Canadian Grand Prix takok marok 4 buba, taküm küm tenzüker takok marok 4 buba aser gari toktepa anishitsü tenzüker tanü tashi nung takok marok 37 buba agizüker lir.
Hamilton sülen alizüng tongteta Rosberg-i tanabuba aser Williams telok gari anishisang, Finns Valtteri Bottas-i tasembuba jenjang nguteta liasü.