Hamilton-i Hungarian GP Pole jenjang 5 benbuba atema angur

Budapeset, July 25 (Agencies): Defending world champion aser series shilem nung tang temaba jenjang angusang, Lewis Hamilton-i Hungarian Grand Prix (GP) Pole jenjang 5 benbuba atema tanü Honibar nü ajangzükogo.
Otsüsütsüsa 5 buba Hungarian GP takok marok agizüktsü alizüng ayusang, Britain nunger Hamilton-i tanü agiba qualifying tetoktepba nung tekaraba mapang nung alizüng tonga Pole jenjangji angu.
Külem Mercedes telok gari anishir, Nico Rosberg den jenjang tajungba ngua arishi küm 30 tain Hamilton-i taküm küm tenzüker tanü tashi nung Pole jenjang tan agi 9 buba ajangzüker lir.
Championships shilem nunga Hamilton-i points 17 agi Rosberg den temaba jenjang ngua tang temaba jenjang nung lir.
Ferrari telok gari anishir, Sebastian Vettel-i Rosberg sülen anidaka tang tasembuba jenjang nung lir.
Hamilton-i tanü agiba tetoktepba nung Rosberg den second tasadang agi tekaraba, mapang 1:22.285 nung alizüng tonga mezüngbuba jenjangji angu.