Patna, December 09 (Agencies): Taoba mapang Bihar minister Brishen Patel tanü Hindustani Awam Morcha-Secular (HAM-S) Bihar state unit Tir atema shimogo.
Party National Tir, Jitan Ram Manjhi-i Bihar tongti atema pa shima liasü.
Taoba mapang Nitish Kumar’er sorkar nung education aser transport minister Patel ya taoba chief minister Jitan Ram Manjhi-i Shakuni Chaudhary melen shim, ta party otongdar, Ved Prakash-i sangdong ka ajanga ashi.
Taoba ita Bihar assembly election nung HAM-i tamakok anguba sülen Chaudhary-i iba menden tokja liasü.
Bihar nung party jenjang tajungba akumtsü atema inyaktsü, ta Patel-i shiogo.
Taoba election nung Manjhi’er party HAM ya BJP-i aniba NDA teloktep nung liasü. Manjhi’er party-i assembly menden 21 nungi toktep ajisüaka menden ka nung dang takok angu.
Manjhi-i Imamganj (SC) assembly menden nungi toktepa JD(U) lenir aser taoba assembly Speaker, Uday Narayan Chaudhary madak takok ngua liasü.
You must be logged in to post a comment Login