Hardeep-i Greco-Roman Olympics quota angur

Astana, March 20 (Agencies): India nunger melangteper, Hardeep-i tang tasayadak Asian Olympic Qualification championship nung tebur temang touzük seret 98 taret final nung shilem agitsü jenjang anguba sülen Rio Olympics kübok Greo-Roman melangteptsü tetoktepba nung shilem agitsü jenjang tanü, Deobar nü nguogo.
Hardeep-i tan Olympics nung shilem agitsü jenjang anguba ya India-i 2004 Athens Games sülenbo Olympics nung tan mezüngsüa Greco-Roman tetoktepba nung shilem agitsü jenjang angur lir.
Hardeep-i points 11-0 agi Turkmenistan nunger Arslan Saparmammedov quarterfinal asaya nung tsükdaktsüba sülen points 11-2 agi Kazakhastan nunger Margulan Assembekov-a semifinal asaya nung koka final nung shilem agitsü jenjang angur lir.
Hardeep-i China nunger Di Xiao den gold medal atema toktepa asayatsü.