Hardik Patel apuba sülen Gujarat nung internet anentsüogo

September 19, 2015 anepdang Surat nung police-i Patidar Anamat Andolan Samiti (PAAS) lenir, Hardik Patel apuba sülen pai osangbenertem den jembiba noksa nung angur. 

Ahmedabad, September 19 (Agencies): Patel kin lungkak aitba lenir, Hardik Patel apuba sülen Honibar nü Gujarat sorkari state tesem ajunga nung mobile internet services anentsüogo.
Director General of Police (DGP) PC Thakur-i, “State nung temzüng ozüng azüoktettsü aser Gujarat nung olulu prokba nokdangtsü asoshi mapang tatsüka atema mobile internet service anentsütsü onoki lemtetogo,” ta ashi.
Temelaba makai ‘Ekta Yatra’ tenzükba asoshi Honibar anepdang Surat nung Gujarat police-i Patel quota atema lungkak aiter lenir, Hardik Patel den pa pusemer 35 tashi puogo.
Mobile internet service ji Honibar anüngdang 12:00 ako nungi Sept. 20 anüngdang 12:00 ako tashi anentsütsü, ta Ahmedabad police commissioner Shivanand Jha-i metetdaktsüogo.
Taoba ita August 25 nü Hardik apuba sülen Gujarat nung rara atulu adoka nisung 10 tashi süogo.