Harrison Ford actor rongnung sen timba aateter kümogo

January 10, 2016: Hollywood film actor tejen Harrison Ford ya Hollywood otsü nung sen timtiba aateter actor rongnung temba jenjangi tenüng iogo.
BoxOfficeMojo.com ajanga ashiba agi, arishi küm 73 tain, Harrison-i shilem agiba filmtem “Indiana Jones & the Temple of Doom” dena film 41 ajanga tang tashi nung sen dollar million 4.7 aatetogo.
Ano pai shilem agiba “Star Wars: The Force Awakens” film ajangka sen dollar million 770 aatetsüogo, ta femalefirst.co.uk ajanga metetdaktsü.
Harrison-i tan iba jenjang ngutetba ajanga arishi küm 67 tain, Samuel L. Jackson tanabuba jenjang nung atsüngzüka yutsüogo aser pa sülen Tom Hanks, Morgan Freeman aser Eddie Murphy nunger tarensena lua lir.