Harshvardhan Kapoor Deepika Padukone den külemi shilem agitsü

October 2, 2016 : Anil Kapoor’er jabaso Harshvardhan tang pai mezüng shilem agiba film ‘Mirzya’ sayatsü atadar, ajisüaka pa iba jagi anena matai film asembuba tangoktsü renema jembiogo.
Pa tia taka mesüra sempet tajung keta alitsü akok saka tang osang tasen kar ajanga ashiba agi, Kapoor’er jabaso ya tang ‘Badlapur’ film direct asüsang Sriram Raghavan den pai yanglutsü aliba film ka nung Deepika Padukone den külemi shilem agitsü atema jembidar. Osang ajangasa ashiba agi,  iba film ya ita asem nung tangokzüktsü aser Deepika-i tongti shilem agitsü.
Harshvardhan aser Deepika na ya social media nung medemer lir aser ashiba agi iba film ya tetsür ltashi sayuba film ka asütsü.