Harvard ‘Talk show’ atema Sonam Kapoor jaoker

Mumbai, July 13, 2017 (Agencies): Bollywood actress, Sonam Kapoor-i ‘Neerja’ film nung ang tasütait shilem agiba masü saka atangji nunga la kanga tasü tait, aser lai mapang ajak nung la melung nung bilemba ochishia jembir.
Osang ka ajanga ashiba agi, Sonam-i Harvard Business School’s (HBS) panel nung dena ‘talk show’ ka nung shilem agitsü.
Best of Harvard in South Asia platform dak sendakba nung “HBS’ India research centre-i onük balala nung lectures, roundtables, panel discussions aser debates agir.
Anogo ishika tsüngda HBS-i Gender Series ka tenzüktsü, aser iba shilem mezüngbuba nung Harvard Business school nung Professor, Geoffrey G. Jones-i ‘Beauty: Limiting or Liberating’ onük nung jembitsü.
HBS-isa July 14 nü iba panel nung dena shilem agitsü atema Sonam Kapoor jaokogo, kong lai la tebilembatem lemsateptsü aser o toktepba nunga shilem agitsü. Iba sentongji south Mumbai nung aliba hotel ka nung agitsü.
Iba dak sendakba nung Sonam-i, “HBS-i ayongba sentong nung shilem agitsü ni yongyaa atar,” ta metetdaktsü.