Haryana nung Gutka, Pan masala aser moko shibanger

Chandigarh, September 08 (Agencies): Haryana Health Minister Wb. Anil Vij-i, nüburtem anema alitsü aser lidaktsütsü nükjidong nung gutka, pan masala, teronem aketba moko aser kharra den moko aketba achi ajemtsütem yangluba, rizüngba aser ayokba meshi meshia anendaktsür, ta metetdaktsüogo.

Food & Drug ketdangsertemi iba dak sentakba nung telatetba ajak metetdaktsüogo koba nung September 3 nü nungi moko aketba achi ajemtsü ajak shibangba shia lir.

Minister Anil-isa, “Nicotine ya moko nung keta lir aser 1966 küm Haryana nung Possession & Sales Rules ajanga ashiba agi nicotine ya miim rongnung tarensen 9 buba nung liasü saka ano tangbo tarensen 20 bubai aluogo. Anungji nicotine ya kechi koma chiyungtsü ka nunga enoka yanglu yonga nicotin sa asüstü koba asen taküm asoshi miim lir,” ta ashi.

Pai ashiba agi, Acetic acid, Acetic Anhydirde, Sulphuric Acid, Hydrochloric Acid, Phosphoric acid, Hydrofluoric acid, Perchloric acid, Formic acid, Hydrocyanic acid, Nitric acid, Oxylic acid, perchloride of mercury, potassium hydroxide, sodium hydroxide, hydrogen peroxide, Formaldehyde, phenol ser sodium hypochlorite tem ya miim tarensen nung mezüng nungi liasü.

Anungji temalen shia aliba miim ayokertem aser talirtem asoshi ozüng balaka latetja lir koba ajanga item osettem business, kaketreju, mozü ayokdak tesem, industry balala aser sorkar department balala azüoker, ta pai ashi.