Haryana nung Principal ka khaset

Yamunanagar (Haryana), Aenjeti 20 (Agencies): Küpdoknü (Honibar) Yamuna Nagar nung Swami Vivekanand School nung azünger class 12 kaketshir kati iba school Principal, Rita Chabra khasetogo, ta tanü police-i metetdaktsü.
Principal Rita Chabra la indang office nung lia kaketshir sang jagi .32 bore gun (prangpong) amshia injang pezü khaloktsüba ajanga la kanga mejungi yiru, iba sülen la hospital-i anir ao, ajisüaka mekümzükteti asü, ta Deputy Superintendent of Police (DSP), Desh Raj-i metetdaktsü.
Iba tesem nung alirtem jagi tebursangji apuba sülen police ket nung agütsü, ta ketdangsertemisa ashi.
Iba tatalokbaji anüngdang 11:30-12:00 ako tsüngda liasü, ta police-i ashi.
Pai lar Principal khasetba kuliji mejangja, ajisüaka principal-i pa arrtsür school nungi meindokba ajanga tejashi nung pai principal khaset südi, ta osang angazüker.