Haryana nung samaba gari ka Kohima nung angu

Dimapur, August 16 (TYO) : 2009 küm Haryana nung samaba Mahindra Bolero gari ka Kohima nung nguogo ta Sub-Divisional Police Officer & PRO, Kohima-i sangdong ka nung metetdaktsü.
Iba gari indang B/R No. NL-03-1868 lir aser gari samaba ken o ji Hissar, Haryana kübok Adampur P.S nung benoka lir.
Iba police station nungi SHO-i gari indang kulikakettem bener arua agizüktsü metetdaktsür. Auyaba gari indang original registration number ji HR-14D-0847 liasü, ta Kohima Police sangdong nungsa shia lir.