Haryana sorkar-i Badminton Academy atema Saina nem ali agütsütsü

Chandigarh, December 11(Agencies): Haryana sorkar-i par state nung badminton academy lapoktsü asoshi badminton asayar Saina Nehwal nem ali agütsütsü.
Nüngtugu badminton asayar nem iba ali ya Haryana State Industrial aser Infrastructure Development Corporation Limited (HSIIDC)-i New Delhi nungi kilometer 45 pilar Gurugram district nung Manesar tesem nung lazüktsütsü.
“Iba ali ya tarutsü nung state nung saisapong tali ajungkettsü nükjidong nung agütsür” ta HSIIDC Managing Director, Sudhir Rajpal-i ashi.
Nehwal tebu Harbir Singh-i Haryana nung badminton academy ka lapoktsü asoshi asüngdangba sülen Deobar nü Hyderabad nung Haryana Divas roadshow ka nung adendang Rajpal-i iba osang metetdaktsü.
Saina ya Hyderabad nung soa inteta yangji liaka lar kibong ya Haryana nungi lir.