Haryana state nung Nashi shi mayoktsü & Nashi metepsettsü ozüng yangluogo

Haryana Gauvansh Sanrakshan & Gausamvardhan Bill, 2015 (Haryana Cow Protection Bill, 2015) ozüng süa amshitsü India Tir, Pranab Mukherjee dang asüngdanga renemba ama Tir-i November 13, 2015 nü ibaji amshitsü agizükogo. Iba ozüng kübok Haryana state nung nashi metepsettsü, nashi shi mayoktsü aser nashi indang ‘products’ kecha meyanglutsü aser shibai iba ozüng nung aibelendir pa/laji ozüng raksar asütsü aser tepoukdak ayutsü.
Temerenshi yamai alitsü: Aibelenertem dang senchi sen Lakh ka achiba den külemi tepoukdak küm ka nungi küm 10 tashi, aibelenba alang ayutsü. Ano nashi tangaleni bener aotsü mesüra shishilembatsü atema temelaba agitsüla aser shibai aibelendir tepoukdak küm 3 nungi 7 tashi ayutsü aser senchi sen Rs. 30,000 nungi Rs. 70,000 tashi achitsü.
Iba ozüng ya Haryana legislative assembly Tatar senden nung taküm 2015 March ita renema liasü.