Hawke’s Bay Cup: India tsürtemi 1 buba takokba angur

Hastings, April 09 (Agencies): India’er tetsür hockey teloki goal 1-0 agi Canada madak takok ngua tang tasayadak Hawk’es Bay Cup asayamong nung shilem agiogo.
Taoba asaya 2 tashi nung tamakok angur, India tsürtemi tan takok anguba ya tan asayamong nung tan mezüngsüa takok angur lir.
Tanü asaya nung telok anaprongi kanga meranga asaya saka asaya tenzüker minute 43 buba nung Lilima Minz-i goal 1 agütsüba yong par India teloki tanü takok nguadok.
“Tan takok anguba ya India telok atema tongti takokba ka lir kechiyong tan asaya nunga tamakok anguka asübo ozü India teloki tekübokba jenjang angutsü liasü,” ta India Chief Coach, Neil Hawgood-i tesülen metetdaktsü.
India tsürtemi par taruba asaya Ireland tsürtem den asüng, Deobar nü asayatsü lemzüka lir.
Hawke’s Bay Cup asayamong ya New Zealand nung ayonga amongba hockey benjungmong den sentaktepa, linük 8-i shilem agiba hockey asayamong ka lir.