Hayley Matthews

Barbados tsür, Hayley Kristine Matthews ya West Indies tenüng nung cricket asayar all-rounder ka lir. Mathews-i international cricket asayaba den külemi, lar Barbados tenüng nung international track & field tetoktepba balala nung javelin tetoktepba nung shilem agir asayar ka lir.
1998 küm March ita 19 nü asola, Matthews-i arishi küm 12 tain aliba mapang nungi tenzüka lar Barbadian cricket team tenüng nung shilem agitsü tenzük aser la arishi küm 16 alidang, 2014 küm September ita nung, New Zealand den asayaba Twenty20 (T20) International asaya nung lai West Indies tenüng nung shilem agia lai mezüngsüa international cricket asaya nung shilem agia liasü.
Ita ishika süir külen Australia den asayaba One Day International (ODI) asaya nunga West Indies tenüng nung shilem agia, Matthews ODI asaya nunga mezüngsüa shilem agir aküm. Australia tsürtem madak tanü, Deobar nü takok ngua asayaba tetsür 2016 World T20 final asaya nunga Matthews-i ball 45 nung runs 66 tashi yanglua tongti shilem agi aser lai final asaya nung Player of the Match sempet agizük.