Hazacherra relief camp nung Bru nunger shingaia tenüng magütsü

Aizawl, August 25 (Agencies) : North Tripura nung aliba Hazacherra relief camp nung Bru nunger jangjatsü aser Mizoram-i meyipa anir aotsü atema mapa inyakba nung Bru nunger shinga maru, ta Mamit district Additional DC Lalbiaksangi-i ashi.
Taoba Honibar nungi Mamit, Kolasib aser Lunglei nungi Identification ketdangsertem Hazacherra camp nung verification agitsü atema arua lir, ta Lalbiaksangi-i ashi.
Yashi nungi relief camp nung identification maparen tenzük saka Bru nunger shinagia iba nung shilem magi. Tripura kübok relief camp trok nungi Bru nunger kibong 3,544 anir aotsü atema Mizoram-i iba mapa inyaker.
Mizoram state home department-i Bru Repatriation atema sentong renem aser ibaji Supreme Court-i temelaba agütsür July 2, 2015 nungi mapa inyaktsü tenzük, saka tanü tashi Bru nunger shingaia iba nung tenüng magütsü.
Mizoram ketdangsertemi Kaskau, Asapara, Hamsapara, Khakchangpara aser Naisingpara relief camp tem nung iba mapa inyakogo.