Hazarika indang kürakyanglu Arunachal nung yanglutsü

Itanagar, January 31 (Agencies): State research department-i nüngtugu kentener asür, Bhupen Hazarika tasoba anogomung nung pa bilemteta pa indang kürakyanglu ka Arunachal Pradesh Lower Dibang Valley district kübok Bolung yimtak amentsü atema project ka tenzükogo.
Iba project technical tsütsü Arunachal Pradesh Literary Society (APLS)-i reprangtsü.
APLS Tir, Y D Thongchi, secretary research Dani Sulu, Bhupen Hazarika Trust nungi züngsem, APLS general secretary-cum-director research Batem Pertin aser taoba mapang APLS general secretary-cum-director trade & commerce Tokong Pertin nungeri January 31 nü Bolung yimtak semdanga iba kürakyanglu amentsü atema tesem reprangteptsü.
Bhupen Hazarika kürakyanglu AP nung amentsü asoshi chief minister Nabam Tuki-i mezüng benoka jembia liasü.

You must be logged in to post a comment Login