Dimapur, January 17 (TYO) : Deobarnü Hazi Park Welfare Committee-i Hazi Park telongtet nung lokti nübodoka mapa inyaka amung aser iba mapang parnoki kilentzü aodak tangbanga alibatem lapok.
Küm aika kilentzü aodak tangbanga liasü aser tzünglu aruba mapang tzü taolen maliba ajanga Hazi Park tesem ajunga tzü agi metsübanger, ta tanü Hazi Park Welfare Committee president, Hukato Achumi-i osangbener dang ashi.
Tanü mapa inyakdang Dimapur Municipal Council CEO, Atokhe Aye-i DMC sanitation department nung mapa inyakertem yoka yaritepdaktsü, ta Achumi-isa ashi.
Hazi Park telongtet nung shishilembartem aser tanga welfare association temi nübodoka mapa inyakba sentong nung yaritepba aser CEO, DMC-i teyari tulu agütsüba atema kanga pelar ta Achumi-isa metetdaktsü.
You must be logged in to post a comment Login