HCA tir menden atema Azharuddin-i nomination file asü

Rongjui/September 19, 2019 (Agencies): Taoba India captain Mohammad Azharuddin-i Hyderabad Cricket Association (HCA) tir menden atema nomination file süogo. Iba menden atema election September 27 nü agitsü.
Azharuddin, shiba indang nomination küm ana tejakdang magizüki liasü, pai nomination paper ya taoba Chief Election Commissioner VS Sampath nem Bodhbarnü agütsüogo.
“Ni nisung ajak dang nungi shisatsü agia cricket asaya ajungketner. Ni district atemaa jenjang aginer,” ta Azharuddin-i PTI dang ashi.
Taoba cricker administrator P R Man Singh’er jabaso Vikram Man Singh-ia, vice-president mapa asoshi nomination paper agütsüogo.
Nominations file asür rongnung Ajmal Asad (secretary), P Srinivas (joint secretary), G Srinivas (treasurer) aser P Anuradha (councillor) densema lir.
September 23 nü nominations sür alirtem atsünginba sülen election atema panel sangdongtsü.
BCCI-i Azharuddin ket nungi tenokdangba agütsür aliba aginba kuli tejangja mongutetba sülen 2017 küm pa indang nomination paper magizük.