HCHSS-i Golden Jubilee Marathon ayonger

Dimapur, February 16 (TYO) : Holy Cross Higher Secondary School, Dimapur küm 50 ajungba jubilee nüngtem nung February 20, 2016 nü Golden Jubilee Marathon ka alitsü, ta HCHSS Principal-i sangdong ka nung metetdaktsü.
Iba sentongji anepdang 6:00 ako nung tenzüktsü anungji shilem agir ajak anepdang 5:30 ako nung school atongtsü mepishir aser School Management-isa Alumni ajak iba sentong takok ngudaktsütsü atema shilem agitsü ayongzüker, ta Principal-isa sangdong nung shia lir.