HCHSS-i Golden Jubilee Marathon tetoktepba ayonga agi

Dimapur, February 20 (TYO): Dimapur nung tentetba Holy Cross Higher Secondary School (HCHSS)-i Golden Jubilee Marathon tetoktepba sentong ka Dimapur nung tanep, Honibar anepdang ayonga agiogo.
Tanep agiba sentong nung HCHSS Principal aser tesüiba HCHSS kaketshirtem densema, ajak agi nisung 1,600 shi shilem agia liasü.
Tebur shilem nung Yellow House nungi Class 9 kaketshir, Peter Mbung-i buba; Blue House nungi Class 9 kaketshir, Keneingutou Kevin-i 2 buba aser Red House nungi Class 9 kaketshir, Ashanthung o Yellow House nungi Class 9 kaketshir, Ganabati Thapa nati 3 buba jenjang angu.
Tetsür shilem nunga Yellow House nungi Class 10 kaketshir, Lijanbeni; Blue House nungi Class 9 kaketshir, Ilivi; Blue House nungi Class 8 kaketshir, Thumchulo aser Green House nungi Class 6 kaketshir, Limeka nungeri 1 buba, 2 buba, 3 buba aser 4 buba jenjang ajangzük.
Fr KM-i sarasadem mapang ka agiba sülen Fr P J Thomas-i marathon tetoktepba sentongji tenzükja liasü.