HCL anenba atema sen Cr 4777 agütsür 

New Delhi, September 28 (Agencies): Linük meyong Hindustan Cables Ltd (HCL) shibangba atema sen crore 4,777.05 agütsütsü atema tanü sorkari agizükogo; iba senji taa agütsütsü aser mapang matongdang mapa nungi anisüngzükba schemes atema amshitsü.

“Ato kilonser Narendra Modi mendenbuba ser Union Cabinet-i Companies Act, 1956/2013, Industrial Disputes Act, 1947 aser tanga Acts nung aliba ozüngtem nung ajemdaker Hindustan Cables Limited (HCL), Kolkata anentsü agizükogo,” ta sorkar sangdong ka ajanga ashi.

HCL ya 1952 küm amenoka liasü. Parnok indang manufacturing units pezüji- West Bengal nung Rupnarainpur aser Narendrapur na,Hyderabad (Telangana) aser Naini (UP) yimtitem nung liasü.

Telecommunication technology (wire-line aliba nungi wireless akumba) nung temelenshi jenti adokba ajanga telecom cables demand kanga ajema akum.

Department of Heavy Industries-i iba company asentenshitsü aiben merangdangogo saka tamakok ngua iba company shibanger.