‘He Named Me Malala’ film 2016 Oscar sempet atema shimer

Los Angeles, Dec. 04 (Agencies): Davis Guggenheim-i yangluba ‘He Named Me Malala’ aser Asif Kapadia’er ‘Amy’ documentary film na 2016 Academy Awards kübok Best Documentary Award shilem nung shimokba osang jangjaogo.

Best Documentary Award agütsütsü asoshi film 124 shi benok aser item rongnungi vote timba anguba film 15 tan vote agüja shimshiba tarensen nung documentary film anajia densema lir.

Vote-sa bendenba sülen tan shimshiba film-tem rongnungi film 5 shimshitsü aser tatem nung vote timba anguba film shimteta iba film nem oscar sempet sangküm 2016 küm February ita 28 nü agütsütsü.

Tan shimshiba film 15 rongnung Alex Gibney-i yangluba ‘Going Clear’ aser Michael Moore’er ‘Where to Invade Next’ film-a densema lir.

2013 nung ‘The Act of Killing’ yangluba nüngtem nung oscar sempet agütsütsü asoshi tenüng benoksang, Joshua Oppenheimer-i yangluba ‘The Look of Silence’ film-a tan shimshiba film 15 rongnung densemogo.