Head Hunter & HQ IGAR (N) na 21 buba Classic Cup semi-final-iogo

Dimapur, November 16 (TYO): Naga Regiment züngsemtemi tentetba Head Hunter telok aser Head Quarter Inspector General Assam Rifles (North) [HQ IGAR (N)] telok nati takok ngua tang tasayadak 21 buba Classic Cup asayamong semifinal nung shilem agitsü jenjang tanü Hombar nü ajangzükogo.
Tanü tasembuba quarterfinal asaya nung Hunter teloki goal 3-0 agi Alpha Squab (AS) telok madak takok ngua semifinal nung shilem agitsü jenjang angu.
Midfielder, Haotinmang-i goal 2 aser Khampei Konyak-i goal 1 agüja par Hunter teloki tanü asayaji akok.
HQ IGAR(N) telokia goal 2-0 agi Nagabazar Youth Organization (NYO) telok madak pezübuba quarterfinal asaya akok.
Ephrim Zofa-i asaya mezüngbuba shilem nung goal 1 aser Demo-i asaya tanabuba shilem nung goal 1 agütsüba ajanga par HQ IGAR(N) teloki goal 2-0 agi tanü takokbaji angu.
Tanü takok angur, Hunter aser HQ IGAR(N) na tsüngda tanabuba semifinal asaya tan November ita 18 nikongtsütsü 2:00 ako nungi tenzüka asayatsü.
Ano külen, asüng, Mongolbar nikongtsütsü 2:00 ako nungi tenzüka Barack FC Peren aser Naga FC telok na tsüngda mezüngbuba semifinal asayatsü lemzüka lir.