Health Index temaba jenjang nung Kerala lir aser tamajungtibaji UP lir

New Delhi, Tsüklai (February) 09 (Agencies): NITI Aayog-i renemba Health Index mezüngbuba jenjang nung Kerala state lir aser state tem rongnung jenjang tamajungbaji Uttar Pradesh lir.
State tulutem index report temaba jenjang nung Kerala sülen Punjab, Tamil Nadu aser Gujarat state tem lir.
Ano health index jenjang tamajungtiba Uttar Pradesh sülen Rajasthan, Bihar aser Odisha state tem lir.
Ano annual incremental performance tsütsü asadangra iba index nung Jharkhand, Jammu & Kashmir aser Uttar Pradesh state tem lir.
Ano state tilatem rongnung iba index temaba jenjang nung Mizoram lir, iba sülen Manipur aser Goa state na lir.
Iba osang sangdonga NITI Aayog CEO, Amitabh Kant-i, “Health tsütsü amalitepa inyaktsü aser tetoktepba aliba ajanga health jenjang tajungba akumtsü atema Health Index ya hadir ka lir ta NITI Aayog-i bilemer,” ta metetdaktsü.
Iba sentong nung jembidang NITI Aayog züngsem, Vinod Paul-i, “Health Index ajanga state tem tsüngda angazükteptsü atema ajungmesor, aser ibaji ajanga state tem tsüngda amalitepa tokteper,” ta metetdaktsü.
Health Index ya Niti Aayog-i benoka inyaker aser World Bank-i technical teyari agutsüba den külemi Health Ministry, states aser UTs den angatetepa iba index ya renemer.