Health Ministry, NSCN/GPRN-i NMDA dang pelar

Dimapur, August 15 (TYO) : Naga Independence Day tenüng nung Nagaland Medicine Dealers Association-i Hebron Camp nung angati medical camp ka ayongzüka agiba atema kanga pelar, ta Health Ministry, Government of the People’s Republic of Nagalim-i sangdong ka nung metetdaktsü.
Iba sentong ayongzükba atema Nagaland Medicine Dealers Association Tir, Ato Yepthomi aser tatong tir, Basu Damani na dang kanga pelar, ta Shighoto Sumi, Secretary, Ministry Of Health, NSCN/GPRN-i sangdong nung shia lir.
Ano, Hebron Camp aser temeket nung aliba yimtsüngtem nungi temang anepalutsü arurtem ka dang mezüdoki yariba atema doctor tem danga kanga pelar. Nagaland Medicine Association-i iba mapa tajung inyakba ajanga tangartem ajungmesotsü, ta Shighoto Sumi-isa sangdong nung metetdaktsü.