Health worker insurance nung sen lakh 10 tali bendenloktsütsü: Rio

Dimapur, Rongchii/April 02 (TYO): Health worker atema Pradhan Mantri Garib Kalyan Yojana nungi sen lakh 50 insurance scheme sangdonger aliba nung ano sen lakh 10 talila inoksemtsütsü, ta Nagaland Chief Minister, Neiphiu Rio-i sangdongogo.
Iba insurance ya coronavirus tashidak wara den raraba health professional tem atema lir.
Chief minister-i Twitter ajanga iba osang ya April 2 nü sangdong aser sorkar meyong mozüki aser healthcare center tem nung COVID-19 agi shirangertem anepaliba mapang health worker temi lendong kar danga ajurura Nagaland sorkari iba sen ya inoksemtsütsü, ta ashi.
Central sorkari taküm March ita novel coronavirus den rarar health worker atema iba insurance scheme ya approve süa liasü.
Finance Minister Nirmala Sitharaman-i March 26 nung, coronavirus tashidak wara ketdangsüba nung tejaklen sür inyakba health worker nem insurance sen lakh 50 agütsütsü, ta sangdonga liasü.
Iba sanding ya Finance minister-i Pradhan Mantri Garib Kalyan nungi sangdongba den yarisemba ka lir.
Iba insurance ya ‘Safai karamcharis’ mesüra sanitation workers, ward-boys, nurses, Accredited Social Health Activist workers, paramedics, technicians, doctors & specialists aser tanga health workers tema atema lir, ta ashir.
COVID-19 agi shiranger anepaluba mapang lendong timtem ajuruba health professional tem nem iba scheme nungi senotsü teyari sen lakh 50 agütsütsü.
Central sorkari agütsüba nung Nagaland sorkari sen lakh 10 inoksemtsüba ajanga ajak senteper sen lakh 60 akümer.
Iba scheme kübok government health centres, wellness centres aser mozüki ajunga aiter.