Heena-i 13 buba Asian Shooting C’ship gold agizüker

Kuwait City, November 06 (Agencies): India tsür Heen Sidhu-i tang tasayadak 13 buba Asian Shooting Championship asayamong nung India asoshi gold medal 1 tanü Hokolbar nü agizükogo.
Arishi küm 26 tain Heena-i tetsür 10m air pistol tetoktepba shilem nung points 198.2 ngua temaba jenjang anguba sülen tanü gold-ji agizüka liasü.
Kasa shilem nung Mongolia tsür Gundegma Otreyad-i points 198 ngua silver aser Korea tsür Jangmi Kim-i points 176.2 ngua bronze agizük.
Taküm September ita agiba Asian Airgun Championships nung gold agizükba densema Heena-i tan agi gold medal tanabuba atonga agizüker lir.