Helicopter nung Army ketdangser 3 tsükset

Kolkata/New Delhi, November 30 (Agencies): Bodhbarnü West Bengal, Sukhna nung army indang Cheetah helicopter ka tsükokba lendong nung army ketdangser asem tsükset aser Junior Commissioner ketdangser ka mejungi yiruogo.
Tanü 11.45 ako meta Sevoke Road Squadron (Army Aviation Corps) indang helicopter ji Sukhna military cantonment helipad nung anentsü merangdang tsükok, ta army ketdangsertemi ashi.
Iba lendong atalokba tesem nung ketdangser asem atanga asü aser yirusangji hospital kati anir ao. Asür rongnung pilot ana- Major Sanjeev Lahar aser Major Arvind Bajala na den Lt Col Rajneesh Kumar nunger liasü ta jangjaogo.
Tayimtsü tsükokba kuli bushisüngdangtsü atema tuyuogo.
Osang angazükba agi, iba helicopter ji kü 8-10 tejaklen melentsü liasü, saka alitsü manguba ajanga memelentet.