Helicopter tsükoka Afghanistan nunger asem asü

Kabul, January 03 (Agencies): Deobarnü Afghanistan meyong Mi-17, sepai helicopter ka Kabul anüolentip tsütsü aliba Logar province nung tsükokba mapang tayimtsü anir parnok asem asü aser ka yiru, ta Defence Ministry sangdong ka ajanga metetdaktsüogo.
Mi-17 tayimtsü ya sepai aser nüngdakba oset belenba aser tsükchir amakdang amshiba tayimtsü rongnung ka lir aser linük nung Russia nungeri yangluba tayimtsü 50 shi aliba rongnungi tan tsükokba ya-a ka lir. Tanüngba 36 shi Afghanistan ‘special forces’ temi amshidar.
Aji oda süaka, Taliban den maneni raraba ajanga tayimtsütem kanga animesüngzükteter, ta Pentagon sandong ka ajanga metetdaktsüogo.