Hema Malini, Aishwarya Rai Bachchan, Zeenat Aman aser Shoojit Sircar nungeri Dadasaheb sempet agizük

Mumbai, April 22 (Agencies) : Actress-politician Hema Malini den Aishwarya Rai Bachchan, film yanglur Shoojit Sircar aser Zeenat Aman nungeri Mumbai nung Dadasaheb Phalke Excellence Awards 2017 sempet agizük.
Hokolbar aonung Mumbai nung alirtemi Bollywood star tem aser music nung mongin temi iba akhümket sempet, Dadasaheb Phalke Excellence Awards 2017 kanga akhümtsübua meshiteta amshiba tenük kuli angu.
Taküm Aishwarya Rai Bachchan-i “Sarabjit” film nung shilem junga agitetba ajanga best actress female angu aser Hema Malini-a Kala Shree telemsa nung iba sempet angu.
Actress tejen Zeenat Aman-i Lifetime Achievement Award angu. Iba den külemi “Pink”, film kanga junga purapiteta yanglutetba atema Sircar-i Creative Director Award angu aser Rohit Roy-i “Kaabil” film nung nisung tamajunger shilem kanga junga shilem agitetba asoshi Best Negative Role sempet angu.
Dadasaheb Phalke Award ya India Cinema indaktsüba aser iba industry renlokdaktsür film actor mesüra actress tem nem agütsür.
Dadasaheb Phalke Award ya India Cinema atema terenlok bentsür aruba nisungtem nem tetushi agütsütsü asoshi India sorkari 1969 küm nungi mezüng agütsü tenzük.
Iba sempet mezüng agizüklaji Devika Rani liasü.