Hema Malini Georgia nung oa senden ka nung o jembitsü

Mumbai, May 20, 2016 : Bollywood actress aser BJP MP Hema Malini senden ka nung tetsüshi tejaoker süa o jembitsü atema Georgia-i ogo. Lai India nunger sobaliba aser yimsüsübaren nung ajemdaker jembitsü.

“Sholay” film nung tongti shilem agir rongnung ka, Hema Malini ya iba senden nung adentsü asoshi Art International Women’s Association-i jaokba lir.

“Iba senden nung India nunger sobaliba aser yimsüsüba tsütsü kü shilem indang jembitsü atema Georgia Ambassador aser Art International Women’s Association nati ni jaok,” ta Brihostibarnü Hema-i twitter ajanga metetdaktsü.

Arishi küm 67 tain, Hema-i, “Iba senden ya Ministry of Culture & Monument Protection, Georgia, Municipality of Tbilisi aser Ministry of Economy & Sustainable Development of Georgia teloktemi nungita akarba lir,” ta ashi.

Hema-i, iba senden ya Honibarnü Tbilisi, Georgia nung akatsü, ta ashi.

“Tbilisi nung May 21 nü akatsü aliba senden nung adentsü atema ni taonung Georgia-i apusoa aoer. Ni senden nung adenba noksa lemsateptsü merangtsü,” ta twitter ajanga shiogo.