Hema Malini-i la indang bhajan kensep adoktsü

January 13, 2016: Actress tain aser MP, Hema Malini-i kenten nung ajemokogo aser kobi melii lai la indang bhajans kensep adoktsü.
Iba dak sentakba nung arishi küm 67 Hema Malini-i twitter ajanga la sapurtem dang iba osang lemsatepogo.
Yashi (January 12, 2016) nü Rajya Sabha MP, Hema Malini-i Lata Mangeshkar studio nung bhajan ka record süa liasü.
“Yashi Lata Mangeshkar studio nung ni Bhajan tajung ka record süogo. Ibaji Pandit Jasraj ji-i mejem. Kü den pa nütsüng Tripti ji-i yaritepa liasü. Kenjangji Narayan Agarwalji-i zülu aser Vivek Prakash-i-a yaritep” ta lai ashi.
“Kobi meli ni bhajans kensep ka adoktsü aser nenok teyari aser ajungmesoba nüngdaktsü,” ta laisa ashi.
“Ni kü sasa ni tasen ka bushitetdagi. Kentenba ya jangratemtsüka lir aser ni iba nungi jangratem ngudagi,” ta laisa shisem.