Hema Malini-i Pakistan actor tem tushi

New Delhi, October 4, 2016 : Actress tejen aser politician Hema Malini-i, “Ni Pakistan actor tem parnok mapa atema tushir, ajisüaka parnok India nung shilem agidaktsütsü magidaktsütsüar ni ashitsü makok,” ta ashi.
Pakistan actor tem India nung shilem agiba nungi nokdangtsü jembiba nung la tebilemba asüngdangdang BJP MP Hema Malini-i, “Iba mangatettep tsütsü ni aika meshiner. Ajisüaka asenok ama Pakistan nunger actor temjia shilem agir kaka lir aser par lima nungi asen linük nung arua shilem agir. Film nung shilem agir nisung ka ama ni parnok mapa tushir saka parnok yangi shilem agidaktsütsü magidaktsütsüar ni ashitsü makok,” ta langzü.
Jammu & Kashmir nung kiralongrartemi India sepai tesep amakdang sepai 19 tashi tepsetba sülen India Motion Pictures Producers Association-i Pakistan nunger actor tem India film tem nung shilem magidaktsütsü ta metetdaktsü.