Hema Malini nem ‘Lifetime achievement award’ agütsü

July 21, 2015: Actress aser yimtenren lenir Hema Malini nem ‘Art & Cinema’ atema ‘Lifetime Achievement Award’ agütsüogo.

Iba award ya July 20 nü, ‘Bank of Baroda-i parnok küm 108buba ‘Foundation Day’ amung nü la nem agütsü.

“Parnok küm 180buba foundation day amongnü, ni taküm piyong Art & Cinema nung shilem agiba nung ajemdaker ‘Lifetime Achievement Award’ ya kü nem agütsü,” ta Mongulbar nü Hema Malini-i twitter ajanga lemsatep.

Arishi küm 66 tain, Hema Malini’er jala, actress Esha Deol-i tetsü melena iba award agizüktsü kechiba süra Hema Malini ya ita tetenzüklen gari nung tsükokba sülen tang mozü tagidak lir.

“Yashi, July 20 nü iba award agütsüdang, kü melen jala Esha-i iba award agizüktsü aser kü den ano tangar asem dena iba award angu,” ta Sholay film actress, Hema Malini-i twitter ajangasa lemsatepa liasü.