“Hero Cycle” yanglutetsang Om Prakash Munjal süogo

India nung Hero Cycle yanglutetsang Om Prakash Munjal, DMC Hero Heart Centre, Ludhiana Panjub, nung August 13, 2015 nü arishi küm 87 lia alima nungi pilar ao.
August 26, 1928 küm Prakash Kamalia, Punjab (British India) nung aso. 1944 küm Prakash adianu asem den külemi amerlongtsü yanglutsü mechi par kibong Amristar-i ao.
1956 küm ‘Hero’ ta tenüng jatet aser iba nung jagi India nung mezüngbuba amerlongtsü yanglu tenzük aser iba mezüng kümji par teloki amerlongtsü 639 yanglu.
Joko tanü Hero Cycle ya alima nung amerlongtsü adokdak tulutiba kümogo aser küm nung par company-i küm nung 7.5 million yangluteter.
Asür Om Prakash-i Punjab sorkar nungi Udyog Rattan sempet angu, Samman Patra aser Indira Gandhi National Unity sempettema agizüka liasü.