Hero Intercontinental Cup nung Kenya-i SA melener

Monupii 07, 2018 (Agencies): Linük pezü football asayamung, Hero Intercontinental Cup nung South Africa-i shilem magitettsü ta South Africa Football Federation ajanga osang agütsüba sülen iba linük ya Kenya-i melenogo.
Intercontinental Cup nung CAF region nungi Kenya den Oceania region nungi New Zealand aser AFC region nungi Chinese Taipei linüktemi Mumbai Football Arena nung Aami/June 1 nungi tenzüktsü aliba Intercontinental Cup nung shilem agitsü.
Kenya nungi football asayar aika temaba jenjang nung Europe aser tanga linüktem nung asayar. UAE nung AFC Asian Cup 2019 atema terenemshiba ka ama iba asayamung ya India nung ayongzüka akatsü lir. AFC Asian Cup nung India ya tang agi anaben buba qualify süteta lir. India-i iba asayamung nung mezüng shilem agiba ya Doha 2011 nung liasü.
India nunger tebur football asayaba telok ya taoba küm ana tsüngta jenjang tajungba küma Rongchii/April 2018 nung sangdongba FIFA ranking nung India ya jenjang 97buba nung lir aser Aami/June 2016 nungo Yimpoksüi/November 2017 tsüngta asaya 12 tashi asayaba nung tamakok ajurua mali.