Hero MotoCorp-i Super Splendor, Passion Pro aser Passion XPro sayu

New Delhi, December 21 (Agencies): Hero MotoCorp ajanga India nung kangadang nüngtugu motorcycle asem tasenba küma yanglushir 125cc Super Splendor, 110cc Passion Pro aser 110cc Passion XPro sayuogo. Item motorcycle tasentem indang jenjang ya 2018 January nung metetdaktsütsü südi aser item motorcycle tem ya ‘phase-wise’ nung sayatsü.
Super Splendor tasenba nung air-cooled single-cylinder 125cc engine ya Hero MotoCorp indang i3s technology keta lir, aser iba ajanga engine ya marakzüi second eshika lira, pasasa anena adoktsü aser clutch lever nung atsüba mapang engine ya pasasa start asütsü – iba ajanga totzü tajemba atsüker.
Super Splendor nung aliba engine ajanga 7500RPM nung 8.4 PS tashi agütsür aser 11Nm torque nung 6000 RPM agütsür.
Iba bike nung Automatic Headlamp On (AHO), side stand indicator, tesülen tyre tuluba aser under seat storage tuluba lir.
Passion Pro bike tasenba nung engine ya 110cc lir aser tashi 7 PS aser 9 NM torque agütsür. Iba kasa engine ya Passion XPro nung keta lir aser bike anaprong nung i3s technology keta lir.
Passion Pro aser Passion XPro motorcycle nung Automatic Headlamp On (AHO), digital-analog instrument cluster, koba ajanga totzü level, trip meter sayur, aser stand indicator amala keta lir.
Passion XPro nung dual tone rear view mirror aser LED tail lamp keta lir.