Hero Women’s Indian Open nung Aditi -i takok angu

Gurgaon, November 13 (Agencies) : Deobarnü Hero Women’s Indian Open, golf asayamung nung Aditi Ashok-i India atema mezüng takok bener aruja otsü tasen ka yangluogo. Iba takok anguba ajanga la India tsür rongnung tetsür European Tour title mezüng angula kümogo.
Arishi küm 18 tain, Aditi-i final round nung 72 ben azükba asaya nung iba takok tulu angu.
Yashi la stroke ana agi tajungba süa tembanger ayuba lai tatemnü score ajak agi 213 angu aser ibaji ajanga lai stroke ka agi tanabuba jenjang nung takok angur ana US tsür Brittany Lincicome aser Spain tsür Belen Mozo na madak takok angu.
Aditi pezüben azükba longki 2buba aser 10buba nung point anguba (birdie) den ano longki 7buba, 13buba aser 17buba tem nung khenkhen tang azükdang point angu (bogey).
Lai iba takok marok den külemi sen Euro 54,988.20 senpet dena angu.
Rio Olympic mapang golf asayar, Aditi-i par asem mezüng jenjang nung takok angutsü paitoktsü atema birdie ang asüyonga ka nüngdaka liasü. Aser iba mapang lai iba asayamung nung la atema birdie 13buba ngua otsüsütsü takok ya angu.