The Health & Family Welfare Department aser Cure International India Trust na ano küm pongu atema tenangzüktepba yangluogo, koba June 28, 2023 nungi June 28, 2028 tashi asütsü.
Dimapur, Aami/June 29 (TYO): Health & Family Welfare Department aser Cure International India Trust (CURE INDIA) nati ano küm pongu atema tenangzüktepba yanglushiogo, koba June 28, 2023 nungi June 28 2028 tashi asütsü.
Tenangzüktepba yangluba mapang Commissioner & Secretary, HFW, Y. Kikheto Sema, IAS-i CURE INDIA dang kanga pelaba lemsatep, kechiyong iba kübok tanur 93 dak tema züngoksema lir aser foot abduction braces den küm pongu atema rehabilitation densema Clubfoot management ponseti method agütsüdar, ta ashi.
Sema-isa, Nagaland nung iba inyakyim ajanga club foot keta aliba nüngdaka aliba tanurtem nem teyari agütsütsü imlaba lemsatepba den club foot ajanga lemtalemria kümdaktsüba agintsü asoshi nükjidong yur aliba ataloktsü atema maneni inyaktsü yongya ataba lemsatepa liasü.
Tenangzüktepba nung Commissioner & Secretary, H&FW, Y. Kikheto Sema, IAS aser Director CURE INDIA, Santosh George nati sign süa liasü.
H&FW aser CURE INDIA na tenangzüktepba yanglushi added by nungsang on
View all posts by nungsang →
You must be logged in to post a comment Login