Higher Education Department nung nisung 87 anentsütsü akhanger

Dimapur, Mongputeni (October) 10 (TYO): Service Aspirants of Nagaland (PSAN) aser Nagaland Net Qualified Forum (NNQF) state sorkar dang Right to Equality aser Equality of Opportunity kümzüka ayutsü atema nenshia metetdaktsü.
October 8, 2018 nü RTI telangzüba anguba nung, Higher Education Department kübok Assistant Professor Post 101 shimba nung NPSC ajanga 14 dang shimokba shia lir, ta Media Cell, PSAN aser NNQF sangdong ka nung metetdaktsü.
Parnok rongnung candidate 76 bo post melii, 3 attachment ajanga mapa tazüng adokba, 2 study leave ajanga, 2 non-sanctioned posts, 1 resignation vacancy aser 3 promotion vacancy atema shimok ta shia lir. June 6, 2016 nü Office Memorandum ajanga ozünga alema mapa nung shimokba noktanger, anungji mapa 87 ji ozüng alema shimokba lir, ta parnokisa ashi.
Maneni mapa nung shimoker nisung 52 NET/SLET mesüra PhD mangurtem lir aser iba ya The UGC Regulations on Minimum Qualifications for Appointment of Teachers and other Academic Staff in Universities and Colleges & Measures for the Maintenance of Standards in Higher Education 2018 kübok Assistant Professor shimtsü telatetba anema lir, ta PSAN aser NNQF-i metetdaktsü.
Iba onük atema Higher Education Minister-i tiyongtsü nung mapa inyaktsü aser June 6, 2016 sülen nungi ozüng alema mapa nung shimoker ajak mapa nung anentsütsü aser open advertisement ajanga mapa tazüngtem nung nübo shimoktsü mepishir, ta parnokisa ashi.
September 11, 2018 nü Department of Higher and Technical Education dangi yimjak nung shidi ka zülua liasü saka September 21, 2018 nü applications submit asütsü Advertisement agütsüba ajanga iba shidiji magizükba sayuogo. Higher Education Minister-i mapa tasen 68 nung nübo shimoktsü aser ibaji 2018-19 tsüngda inyaktsü atema ayongzüker. Item onük atema mapa kecha meinyakra, NNQF aser PSAN-i nüngdakba mapa inyaktsü, ta Media Cell sangdong nungsa metetdaktsü.