Dimapur, February 9 (TYO) : February 5, 2016 nü Directorate of Higher Education Nagaland nung university tem, secular college, polytechnic, DIET aser Nursing institute balala nungi Nodal Officer tem revew review meeting agi.
Iba senden ya Ministry of Human Resource Development-i tetuyuba agütsüba nung ajemdaker agi aser reju balala nungi nisung 54 aden, ta Higher Education Director, I. Alempokba-i ashi.
December 21, 2015 nü Minister for Human Resource Development, Zubini-i 2015-16 atema All India Survey on Higher Education (AISHE) tenzükba osang senden nung metetdaktsüogo, ta I. Alempokba-isa ashi.
Rejutemi February 28, 2016 matongdang data upload asütsüla aser iba dak sendakba nung Nagaland nung aliba rejutemi February 13, 2016 matongdang 2015-16 atema All India Survey on Higher Education Data upload asütsü mepishia metetdaktsür, ta paisa shisem.
Ano, February 16, 2016 nü Minister for Human Resource Development-i state ajak nungi Department of Higher Education den video conference ka alitsü osang metetdaktsüogo, ta Higher Education Director-isa metetdaktsü.
You must be logged in to post a comment Login