Highway nung aur ana apu

Dimapur, Rongjui/September 10 (TYO): 10/09/2019 nü 4:45 ako shi nung DEF Kohima kübok Highway Patrol Party-i NH 29, Dzudza Hydro bridge (Bye-Pass/Jotsoma Junction) nung auer ana puogo. Tena ya tata gari ashishir tem ket nungi sen rakzükrakdema lia apu aser tena den Maruti Alto B/R. No. NL01C 9740 ka puogo.
Aija alisang ana ya Senapati kübok Thingbakhullen yimtsüng nungi Hüna’er jabaso Amos Poumai (39) aser Kiphire kübok Zanger yimtsüng nungi Maching’er jabaso Hanji Yimchunger (28) ta jangjaogo. Iba dak sendakba nung section 384/34 IPC R/W 7 NSR kübok ken o ka benokogo aser ken o bushitsüngdangdar, ta PRO DEF, Kohima sangdong ka ajanga metetdaktsü.