Hike messenger-i video calling tenzüktsür

New Delhi, October 26 (Agencies) : Bodbarnü India nung mezüngbuba messaging app- Hike messenger amshirtem asoshi video calling feature tenzüktsüogo.
Video calling (beta version) ji taküm September ita nung saya saka tamshir kar nem dang amshidaktsü. Ajisüaka, tang nungibo Hike messenger amshir ajaki amshitettsü aser tan hopta nungi Android amshirtem atema lapoktsür.
“India ya sight & sound market tajung ka ta onoki repranger aser iba jagi video calling ajanga Hike amshirtem tongtepratep tajungba sütettsü” ta hike messenger Founder & CEO, Kavin Bharti Mittal-i metetdaktsü.
Hike video calling feature ajanga tamshirtemi call magizükdang live video preview sütettsü. Iba feature ya 2G dena network ajak nung amshitettsüsa yanglu.