HIL: Delhi Waveriders-i Punjab Warriors tsükdaktsü

Chandigarh, January 20 (Agencies): Delhi Waveriders teloki goal 5-4 agi Jaypee Punjab Warriors telok madak takok ngua tang tasayadak Coal India Hockey India League (HIL) asayamong nung tanü Bodbar nü shilem agiogo.
Tanü asaya tenzüker minute 9 buba nung Mandeep-i agütsüba pass ball agizüka Yuvraj Walmiki-i par Waveriders telok asoshi 1 buba goal agütsü.
Australia nunger Mark Gohdes-ia külem asayar, Christopher Ciriello-i agütsüba pass ball agizüka par Warriors telok asoshi goal 1 agüja par telok anaprongla goal 2-2 kümdaktsü.
Goalkeeper tejakleni atua goal tazüng yuja alidang agütsüba goal-ji goal 2 ta züngoktsü asoshi tan asayamong nung lateta lir.
Rupinder Singh-ia asaya tenzüker minute 24 buba nung goal ka agüja par Waveriders telok goal 3-2 agi temaba jenjang kümdaktsü.
Minute 4 shi süir külen, Canada nunger Mark Pearson-i maneni goal 1 agüja goal 4-2 küma par Waveriders telok temaba jenjang nung ajungkettsü.
Ajisüaka, Ciriello-i penalty corner takok ngua zükokja goal 1 agütsüba yong par Warriors teloki goal 3-4 ngua jenjang tajungba aküm.
Asaya tenzüker minute 36 buba Rupinder-i par Waveriders telok asoshi 5 buba goal agütsü.
Tesülen, Britain nunger Gleghorne-i minute 54 buba nung Warriors telok asoshi 4 buba goal agütsü saka assaya tembang tashi nung tanüngba goal 1-ji memeyiptsütetba yong par Warriors teloki tanü tamakok ajuru.

You must be logged in to post a comment Login