HIL: Mumbai teloki goal 7-5 agi Ranchi akok

Mumbai, February 03 (Agencies): Dabang Mumbai teloki goal 7-5 agi defending champions, Ranchi Rays telok madak takok ngua tang tasayadak Hockey India League (HIL) asayamong nung tanü, Bodbar nü shilem agiogo.
Tanü takok angubaji Mumbai teloki tan asayamong nung mezüngbuba takok angur lir.
Par forward asayar, Yousuf Affan nem red card temerenshi agüja asayadak nungi tugudakja aka, Diwakar Ram-i goal 1 aser Matthew Swann, Nilakanta Sharma aser Florian Fuchs nungeri field goal kaka agüja par Mumbai teloki goal 7 agi tanü asayaji akok.
Ranchi skipper, Ashley Jackson-i goal 2 aser Sandeep Singh-i goal 1 agütsüba den külemi, Sarvanjit Singh-i field goal 1 agütsüba densema, par Ranchi telokia tanü asaya nung goal 5 tashi agütsü.
Tanü takok anguba sülen Mumbai teloki points 9 angu saka par telok tanga tekübokba jenjang nung lir.
Ano külen, Ranchi teloki tanü tamakok nguaka, goal 2 dak temai tamakok majuruba yong tanü asaya nunga points 1 ajangzüka asaya 6 nung ajak agi points 22 ngua maneni temaba jenjang nung lir.